كيفية عمل الصمون العراقي .
مكونات الصمون
- كوب حليب سائل
- نص كوب ماء
- ربع كوب زبدة
- 4 أكواب ونص طحين ويجوز منستخدمه كله
- 1 ملعقة طعام خميرة فورية
- 2 ملعقة طعام سكر ابيض
- 2\1 1 ملعقة شاي ملح
- 1 بيضة
- نسخن الحليب والزبدة والماء لاتتركوه يفور مجرد يدفى واتركوه يبرد ، بوعاء جبير ضع كوب و4/3 طحين والخمرة والسكر والملح ونقوم بخلطهم.
- وبعد ذلك نظيف اليه خليط الحليب والبيضة.
- ثم نبدأ باظافة الطحين نص كوب مع عجن كل مرة نص كوب وضرب العجينة .الى ان تتشكل كتلة من العجين خذوها على سطح مرشوش طحين وابدوا اعجنوا بيها حوالي 8 الى 10 دقايق الى ان تحصلون على عجينة ناعمة ومتلزك بايديكم ومطاطية وغير موقاسية .
- اتركوها ترتاح حوالي ربع ساعة ثم قسموها الى 16 كرة متساوية ولفواهابشكل اسطواني وخلوها بصينية مدهونة .
- اقفلوها واتركوها تتخمر وخلوا مسافة بين كل وحدة والثانية لان راح يكبر حجمها من تتخمر.
- الان غطوا الصينية بشرشف نظيف واتركوها ساعتين.
- بعد ساعتين ادخلوهن بفرن محمي على درجة حرارة 200 مئوي حطوها بنص الفرن راح تاخذمنكم 10 دقايق طفوا الجوة وافتحوا الفوك وابقوه يم الفرن لاترحون تلتهون بشي ثاني ترة بسرعة يصير بعد مااخذ اللون الحلو جيبوا سوليفان وغطوا الصينية كامل بيه وفوكاه شرشف نظيف يبقة فد ربع ساعة حتى يصير طري بفعل البخار.
صحة والف عافية